• HNÍ

Hnefaleikafólk ársins 2016


Valgerður Guðsteinsdóttir og Þorsteinn Helgi Sigurðarson hafa verið útnefnd sem hnefaleikafólk ársins 2016 af Hnefaleikasambandi Íslands HNÍ, en koma þau bæði frá Hnefaleikastöðinni Æsir. Valið fór fram á þann hátt að öll félög höfðu möguleika á að tilnefna keppendur úr sínum röðum og fengu þau svo öll útdeilt atkvæðum til kosninga.

Viljum við óska þem innilega til hamingju með árangurinn. Valgerður Guðsteinsdóttir er 31 árs og hefur æft hnefaleika frá árinu 2009. Valgerður er með 12 skráða bardaga en hefur keppt fleiri innanlands. Valgerður hefur keppt fjórum sinnum á Íslandsmeistaramóti og vann til gullverðlauna árið 2011 og 2013.Árið 2012 var hún einnig valin Hnefaleikakona ársins. Valgerður hefur einnig unnið gullverðlaun á erlendum stórmótum, en árið 2012 vann hún gull á ACBC í svíþjóð og árið 2013 á Galamóti í Nykobing Falster box club. Valgerður er búin að vera virk í hnefaleikum síðasta ár (2016) en hún varð önnur á Íslandsmeistaramótinu í febrúar eftir að dómara úrskurð eftir að stig stóðu jöfn eftir 4 lotur. Einnig keppti hún á Norðurlandameistaramótinu og varð þriðja. Valgerður er fyrirmynda íþróttakona og hefur sýnt afburði og aga í hnefaleikum frá því hún hóf æfingar. Þorsteinn Helgi Sigurðarson er 19 ára og nýr í íþróttinni. Þorsteinn hefur æft í aðeins eitt ár en á þessu eina ári hefur hann keppt átta sinnum. Hann er virkasti hnefaleikamaður ársins 2016 í ólympískum hnefaleikum. Honum hefur farið gífurlega fram með hverjum bardaganum og verið valinn boxari mótsins á mjög sterku móti á Ljósanótt. Hann telst auðveldlega sem einn af okkar sterkari upprennandi hnefaleikamönnum í dag.

Save


 HNÍ - Hnefaleikasamband Íslands

Icelandic Boxing Federation

Engjavegur 6  |  104 Reykjavík  |  Iceland

KT. 640806-0950  |  hni@hni.is

  • Facebook Social Icon
  • YouTube Social  Icon
  • Instagram Social Icon