Beint í efni

Sambandið1 mín lestur

Ronald Bjarki keppir á BOXAM á Spáni

Ronald Bjarki Manason er mættur til La Nucía á Spáni þar sem hann keppir fyrir Íslands hönd á hinu sterka alþjóðlega BOXAM-móti. Með honum í för er Davíð Rúnar, landsliðsþjálfari Hnefaleikasambands Íslands.

Höfundur: HNÍ

Boxam 2026
Boxam 2026

BOXAM fer fram dagana 31. ágúst–6. september og er eitt stærsta alþjóðlega mót ársins fyrir yngri aldursflokka. Keppt er í U15, U17 og U19 og eru keppendur frá fjölmörgum þjóðum mættir til leiks.

Ronald keppir í U19, -50 kg flokki og hefur nú verið dregið í mótið. Fyrsti mótherji hans verður Sami Jeddi frá Frakklandi.

Bardaginn fer fram þriðjudaginn 1. september í hring A og er bardagi númer 13 á dagskránni. Keppnislotan hefst kl. 16:00 að staðartíma.

Sigurvegari viðureignarinnar tryggir sér sæti í næstu umferð þar sem Mexíkómaðurinn Alan Ocampo Cano bíður.

🥊 Beint streymi

Hægt verður að fylgjast með bardögum í hring A í beinu streymi á YouTube:

https://www.youtube.com/live/ICh2G0pi4KE?si=1vh3XRvmLhcqcxQc

Við óskum Ronald og Davíð Rúnari góðs gengis á Spáni.

Áfram Ísland! 🇮🇸🥊

DeilaFacebook- deila „Ronald Bjarki keppir á BOXAM á Spáni“ (opnast í nýjum glugga)

Tengdar fréttir