Bikarmót 2. september 2023

Laugardaginn 2.september hélt HNÍ fyrsta bikarmót í haust bikarmótaröðinni. Mótið var haldið í húsakynnum WCBA í Kringlunni 1. Það var talsverður fjöldi áhorfenda og gríðarlega góð stemning í húsinu. Viðureignir mótsins voru 12 talsins og var þetta í fyrsta skipti sem keppt var í U15 flokki, sem var samþykkt á síðasta ársþingi HNÍ.

Hér fyrir neðan eru svo niðurstöður viðureignanna:

1. Sölvi Steinn Hafþórsson (HFK) vs. Adrian Pawlikowski (HFH) í -75 kg flokki U15 Karla. Sölvi sigraði þessa viðureign 3-0.

2. Davíð Ísak Filipovic Karlsson (HFH) vs. Kristófer Ek Smithong Óðinsson (HFK) í -75 kg flokki U17 Karla. Kristófer sigraði þessa viðureign 2-1.

3. Eyþór Sturla Jóhannsson (HR) vs.Alejandro Cordova Cervera (HFH) í -80kg í flokki U17 Karla. Eyþór Sturla sigraði þessa viðureign 2-1.

4. Sveinn Sigurbjarnarson (ÞÓR) vs. Kristinn Jón Karlsson (HFK) í 80kg flokki U19 karla. Sveinn sigraði þessa viðureign 3-0.

5. Max Angelo Chang (GFR) Ebrahim (GFR) Elite Karlar í flokki -63.5kg Elite karla. Max sigraði þessa viðureign 3-0.

6. Hilmir Örn Ólafsson (HR) vs. Yonatan Francisco (GFR) í -71kg flokki Elite Karla. Hilmir sigraði þessa viðureign 3-0.

7. Íris Daðadóttir (HR) vs. Hildur Ósk Indriðadóttir (HFR) í -75kg flokki Elite konur. Íris sigraði þessa viðureign 3-0.

8. Samúel Þór Seastrand (HFH) vs. Michal Jablonski (HFK) -80kg flokki Elite Karla. Michal sigraði þessa viðureign eftir að dómari stöðvaði viðureignina í annarri lotu.

9. Remek Duda Maríusson (GFR) vs. Elmar Gauti Halldórsson (HR) í -80kg flokki Elite karla. Elmar sigraði þessa viðureign eftir að dómari stöðvaði viðureignina í annarri lotu.

10. Blazej Galant (GFR) vs. Andri Már Elvarsson (HFR) í -92kg flokki Elite karla. Blazej sigraði þessa viðureign 3-0.

11. Ágúst Davíðsson (ÞÓR) vs. Pétur Stanislav Karlsson (GFR) í +92kg flokki Elite karla. Pétur sigraði þessa viðureign eftir að dómari stöðvaði viðureignina í annarri lotu.

12. Kaloyan Tsvetkov(GFR) vs. Elmar Freyr Aðalheiðarson (ÞÓR) í +92kg flokki Elite karla. Elmar sigraði þessa viðureign eftir að dómari stöðvaði viðureignina í annarri lotu.

Úrslit ÍM 2023

Úrslitakeppni ÍM var haldin í dag í WCBA og voru sjö glæsilegar viðureignir.

Fyrsta viðureign var Mikael Hrafn (HR) og Ísak Guðnason (HFK) í -67kg flokki U19 karla en hann Mikael sigraði þessa viðureign á WO og var því krýndur Íslandsmeistari.

Önnur viðureign dagsins var Benedikt Gylfi (HFH) og Armandas Sangavicius (HFK) í -80kg U19 flokki karla. Báðir sýndu fram á glæsilega tækni en Armandas hafði yfirhöndina og tók því Íslandsmeistaratitilinn.

Zalmai Jasur (HFK) og Alexander Irving (GFR) í -67kg flokki Elite karla voru þeir þriðju til að stíga upp í hring og var þetta hörku viðureign. Alexander vann þessa viðureign á stigum og var krýndur Íslandsmeistari.

Þær Íris Daðadóttir (HR) og Hildur Ósk (HFR) í -70kg flokki Elite kvenna mættust í fjórðu viðureign dagsins og var gaman að sjá þessar flottu hnefaleikakonur mætast. Hún Íris sigraði þessa viðureign á stigum og var krýnd Íslandsmeistari.

Í fimmtu viðureign dagsins mættust þeir Björn Snævar (HFR) og Elmar Gauti (HR) í -80kg flokki Elite karla. Mjög spennandi viðureign en hann Elmar hafði yfirhöndina og sigraði viðureignina.

Sjötta viðureign dagsins var á milli þeirra Blazej Galant (GFR) og Þorsteini Helga (HFH) í -92 kg. Viðureignin var stöðvuð vegna meiðsla og Blazej tók sigur og var krýndur Íslandsmeistari.

Í síðustu viðureign dagsins mættust þeir Elmar Freyr (ÞÓR) og Magnús Kolbjörn (HFK). Þetta var æsispennandi viðureign enda mjög reyndir hnefaleikamenn. Elmar sigraði þessa viðureign á klofinni dómaraákvörðun og var því krýndur Íslandsmeistari.

Elmar Gauti var valinn hnefaleikamaður mótsins og var því afhentur Bensabikarinn til vörslu fram að næsta Íslandsmeistaramóti.

Á hverju ári er útnefndur besti boxari Íslandsmótsins og hlýtur hann Bensabikarinn, farandverðlaun tileinkuð minningu Benedikts Oddssonar sem lést fyrir aldur fram árið 2000. Bensi var í framlínu þeirra sem þá börðust fyrir lögleiðingu hnefaleika á Íslandi.

Myndir eftir Haroldas Buinauskas

Undanúrslit ÍM

Undanúrslitakeppni og fyrsti dagur ÍM var haldin í dag í WCBA i Reykjavík. Það voru fimm æsispennandi viðureignir og áhorfendur mjög spenntir að sjá hverjir kæmust áfram í úrslit. Niðurstöður viðureignanna eru eftirfarandi:

Mikael Hrafn (HR) og Viktor Zoega (Bogatýr) í -67kg U19 karla, voru fyrstir til að stíga inn í hringinn og var þetta mjög tæknileg og flott viðureign. Mikael Hrafn tók sigur að lokum eftir klofna dómaraákvörðun.

Næstir voru það Benedikt Gylfi (HFH) og Sveinn Sigurbjarnarson (ÞÓR) í -80kg U19 karla og sýndu þeir einnig fram á glæsilega tækni og voru þeir ansi jafnir. En Benedikt hafði yfirhöndina og sigraði viðureignina eftir klofna dómaraákvörðun.

Björn Snævar (HFR) og Khalid Younsi (GFR) í -80kg Elite karla, mættust svo í þriðju viðureign dagsins. Þetta var hörku viðureign og griðarlega spennandi. Hann Björn sigraði þessa viðureign á klofni dómaraákvörðun.

Í næst síðustu viðureign dagsins mættust þeir Elmar Gauti (HR) og Alexander Baranovs (Bogatýr) einnig í -80kg flokki Elite karla. Báðir stóðu sig mjög vel en hann Elmar hafði yfirhöndina og tók sigur að lokum.

Magnús Kolbjörn (HFK) og Rúnar Svavarsson (HFK) í +92kg flokki Elite karla mættust svo í síðustu viðureign dagsins. Þetta var mjög skemmtileg viðureign, enda mjög reyndir hnefaleikamenn. Magnús sigraði að þessu sinni.

Á morgun verður svo úrslitakeppni þar sem krýndir verða Íslandsmeistarar í hnefaleikum 2023. Úrslitin hefjast kl13:30 í WCBA og það er frítt inn svo við hvetjum alla til að koma að hvetja þetta flotta hnefaleikafólk! Hrikalega spennandi að sjá hverjir taka titlanna að þessu sinni!