Ronald Bjarki Manason Norðurlandameistari 2026

Fyrsti íslenski karlinn til að vinna Norðurlandamótið í hnefaleikum

Ronald Bjarki Manason skrifaði nafn sitt í sögubækurnar fyrr á árinu þegar hann varð Norðurlandameistari í hnefaleikum, fyrstur íslenskra karla til að ná þeim árangri.

Norðurlandamótið er eitt sterkasta mót sem íslenskir hnefaleikamenn taka þátt í ár hvert og þar mætast bestu keppendur Norðurlandanna. Ronald sýndi þar bæði mikla yfirburði og þroska í sínum bardögum og tryggði sér að lokum gullverðlaun eftir sannfærandi frammistöðu í úrslitum.

Þessi árangur markar mikilvægan áfanga fyrir íslenska hnefaleika og er til marks um þá uppbyggingu sem hefur átt sér stað innan íþróttarinnar á síðustu árum. Sigurinn er jafnframt hvatning fyrir komandi kynslóðir keppenda og undirstrikar að íslenskir hnefaleikamenn geta staðið jafnfætis þeim bestu á Norðurlöndum.

Árangur Ronalds er einnig afrakstur samstillts átaks hans sjálfs, þjálfara og stuðningsaðila, sem hafa unnið markvisst að því að byggja upp afreksstarf í hnefaleikum á Íslandi.

Hnefaleikasamband Íslands óskar Ronaldi innilega til hamingju með þennan sögulega árangur.