11 keppendur frá Íslandi á Pirkka mótinu í Finnlandi

Um helgina halda ellefu íslenskir hnefaleikamenn til Finnlands þar sem þeir taka þátt í hinu virta Pirkka móti. Mótið er liður í hæfileikamótun Hnefaleikasambands Íslands og mikilvægt tækifæri fyrir unga og efnilega keppendur til að safna reynslu á alþjóðlegum vettvangi.

Keppendurnir koma úr röðum Hnefaleikafélags Kópavogs og Hnefaleikafélags Reykjavíkur og endurspegla þann breiða og vaxandi hóp sem er að stíga sín fyrstu skref í alþjóðlegri keppni fyrir hönd Íslands.

Í för með liðinu eru þjálfararnir Davíð Rúnar Bjarnason og Kjartan Valur Guðmundsson, sem hafa unnið náið með keppendum að undirbúningi fyrir mótið.

Keppendur Íslands á Pirkka mótinu

Hnefaleikafélag Kópavogs (HFK):

• Viktor Örn Sigurðsson
• Kormákur Steinn Jónsson
• Yahya Ghazali
• Arnar Jaki Smárason
• Fajer Ghazali

Hnefaleikafélag Reykjavíkur (HR):

• Ronald Bjarki Mánason
• Hilmar Þorvarðarsson
• Sigurbjörn Einar Jóhannsson
• Adam Alabsi
• Neilas Sachniukas
• Kristján Eðvarð Sigurvinsson

Þátttaka í mótum á borð við Pirkka er lykilþáttur í uppbyggingu afreksstarfs í hnefaleikum á Íslandi. Með því að mæta sterkum alþjóðlegum mótherjum fá keppendur dýrmæta reynslu sem nýtist í áframhaldandi þróun þeirra sem íþróttamanna.

Hnefaleikasamband Íslands óskar keppendum og þjálfurum góðs gengis á mótinu.