HNÍ | FRÉTTIR

Nýr landsliðsþjálfari HNÍ

HNÍ
Apr 8, 2021

Í dag skrifaði Kolbeinn Kristinsson undir starfssamning sem landsliðsþjálfari Hnefaleikasamband Íslands (HNÍ). Kolbeinn þekkir ágætlega til í þessum heimi, eftir að hafa byrjað í hnefaleikum sem unglingur auk þess sem hann hefur keppt víða um heim og gerir enn. Kolbeinn hefur tekið þátt fyrir íslands hönd á Norðurlandamótum, Evrópumótum og Heimsmeistaramótum. Í dag er Kolbeinn atvinnumaður í hnefaleikum.

Hlutverk Kolbeins sem landsliðsþjálfari verður að hafa yfirumsjón með afrekshópum og landsliði HNÍ.

Við hjá, HNÍ, bjóðum Kolbein velkomin til starfa og erum mjög spennt fyrir komandi tímum og leggjum mikið traust á hann Kolbein í uppbyggingu afreksmála hnefaleika á íslandi.

Næstu skref eru að boða til æfingahelgar fljótlega þar sem Kolbeinn tekur stöðuna hjá hnefaleikaiðkendum og mun val í afrekshópa hefjast fljótlega eftir þá æfingahelgi.

HNÍ sendir keppanda á HM ungmenna í hnefaleikum

HNÍ
Apr 8, 2021

Heimsmeistaramót ungemenna fer fram í Kielce, Póllandi dagana 10. – 24. apríl.

Einn íslensku keppandi fer á vegum HNÍ en það er Emin Kadri Eminsson og með honum í för verður Kjartan Valur Guðmundsson, þjálfarai hans Emins.

Emin hefur verið einn virkasti hnefaleikamaður landsins undanfarin ár og var meðal annars hnefaleikamaður ársins 2020.

Emin og Kjartan halda út til Póllands í kvöld og verða mættir til Kielce í fyrramálið.

Við munum fylgjast með þeim félögum á okkar samfélagsmiðlun og flytja fréttir.

Fyrsta ólympíska boxmót ársins

HNÍ
Mar 4, 2021

(mynd eftir Ásgeir Marteinsson)

Fyrsta ólympíska boxmót ársins fór fram í Hnefaleikafélagi Reykjavíkur þann 27. febrúar og voru þar fimm viðureignir. Mótið var haldið í aðstöðu Mjölnis í öskjuhlíðinni.

Í fyrstu viðureign dagsins mættust þeir Ísak Guðnason og Mikael Hrafn og kepptu þeir í Junior flokki (unglingaflokki). Þeir sýndu báðir flotta tækni og voru nokkuð jafnir en svo fór að Mikael Hrafn sigraði að dómaraákvörðun.

Þeir Aron Franz og Ingimundur Árnason mættust svo í annari viðureign dagsins. Báðir voru að keppa í fyrsta sinn og var þetta mjög skemmtileg viðureign. Aron tók þó sigur að dómaraákvörðun eftir jafna og flotta viðureign.

Í þriðju viðureign dagsins mættust þeir Jón Marteinn og Mikhail Mikhailov. Þeir áttu ansi flottan bardaga en Jón sigraði að dómaraákvörðun. Hann Jón Marteinn var svo valinn boxari mótsins eftir framúrskarandi árangur í viðureigninni.

Kristín Sif og Hildur Ósk mættust í fjórðu viðureign kvöldsins. Þær sýndu báðar glæsilega tækni og var viðureignin afar jöfn en hún Kristín tók sigur að lokum eftir klofna dómaraákvörðun.

Í síðustu viðureign kvöldsins mættust þeir Elmar Gauti og Arnis Kopstals. Arnis lenti góðum höggum snemma og var nokkrum skrefum framar en Elmar í dag. Arnis sigraði að dómaraákvörðun í skemmtilegri viðureign.

-69 kg

Mikael Hrafn (HR) sigraði Ísak Guðnason (HFK) eftir einróma dómaraákvörðun.