Viktor Zöega keppir fyrir Ísland á Evrópumeistaramóti U23

Íslenski hnefaleikamaðurinn Viktor Zöega úr Bogatýr keppir þessa dagana á sínu fyrsta stórmóti fyrir hönd Íslands þegar hann tekur þátt í Evrópumeistaramóti U23 í Búdapest.

Viktor keppir í -70 kg flokki og var dreginn gegn keppanda frá Úkraínu, bardaginn fer fram á morgun um kl. ~11:30.

Viktor hefur sýnt mjög góðan árangur bæði á innlendri og erlendri grundu undanfarið og ríkir mikil spenna innan íslenska hópsins að sjá hann stíga í hringinn á þessu sterka móti.

Með honum í för er þjálfari hans, Nikita Stepanovs, en þeir héldu út í gær.

Evrópumeistaramótið í ár er eitt það fjölmennasta til þessa. Samkvæmt erlendum fréttum taka nær 300 hnefaleikarar þátt, þar á meðal nokkrir Ólympíufarar frá París 2024. Mótið stendur yfir til 30. nóvember.

👉 Hægt verður að horfa á bardagann beint hér:

https://www.youtube.com/live/CEaWrpkvx7g?si=goVkTndlzLynJjea

Hnefaleikasamband Íslands óskar Viktori góðs gengis og hvetur alla til að fylgjast með á morgun.