Ársþing Hnefaleikasambands Íslands 2025

Ársþing Hnefaleikasambands Íslands (HNÍ) fór fram laugardaginn 3. maí í húsakynnum ÍSÍ í Laugardalnum.

Ársþingið var vel sótt og fór fram í góðum anda. Almar Ögmundsson var kjörinn þingstjóri og Kjartan Valur Guðmundsson ritari. Í kjörbréfanefnd sátu Hreinn Viðar Gunnlaugsson (Þór), Arnór Már Grímsson (HFH) og Daði Ástþórsson (HFR).

Jón Lúðvíks, formaður HNÍ, fór yfir starf sambandsins á liðnu starfsári. Einnig flutti Hafsteinn Pálsson ávarp fyrir hönd ÍSÍ.

Á þinginu voru kynntir og samþykktir ársreikningur og fjárhagsáætlun HNÍ samhljóða. Breytingar á gjaldskrá voru einnig samþykktar og uppfærð gjaldskrá er nú aðgengileg á heimasíðu sambandsins. Þá voru lagabreytingar samþykktar samhljóða.

Kosið var í stjórn HNÍ og er ný stjórn eftirfarandi:

• Formaður: Jón Lúðvíks

• Stjórnarmenn: Berglind Gunnarsdóttir, Kristjana Ósk Veigarsdóttir, Sævar Ingi Rúnarsson og Davíð Már Almarsson

• Varamenn: Almar Ögmundsson og Gyða Eiríksdóttir

Skoðunarmenn reikninga eru Skúli og Þórarinn Hjartarsson.

HNÍ þakkar öllum fulltrúum félaganna fyrir þátttökuna og hlakkar til áframhaldandi samstarfs í þágu hnefaleika á Íslandi.