Ísak Guðnason keppir á Eindhoven Box Cup um helgina

Íslenski hnefaleikamaðurinn Ísak Guðnason keppir um helgina á hinu virta Eindhoven Box Cup móti í Hollandi, sem er eitt sterkasta alþjóðlega hnefaleikamót Evrópu og ber gullvottun frá European Boxing.

Mótið hefur á undanförnum árum laðað að sér marga af sterkustu keppendum Evrópu og heims og er mikilvægur vettvangur fyrir unga og efnilega boxara til að safna reynslu á hæsta stigi.

Ísak keppir í Elite -75 kg flokki og var dreginn beint áfram í fjórðungsúrslit þar sem hann mætir þýska keppandanum Elias Nwaka á laugardaginn.

Hægt verður að fylgjast með bardögunum í beinu streymi hér:

EBC 2026 | Day 2 (Ring A session 1)https://fb.me/e/9AUN7MkvI

EBC 2026 | Day 2 (Ring A session 2)https://fb.me/e/cPjSprN8T

Við óskum Ísaki góðs gengis á mótinu.