LOGO.png

FRÉTTIR



Síðasta laugardag var annað bikarmót í bikarmótaröð Hnefaleikasambands Íslands. Fram kom mikið af stórglæsilegu hnefaleikafólki sem öll stóðu sig gríðarlega vel. Viðureignirnar voru mjög spennandi og þónokkrar ansi jafnar. Mótinu var streymt í gegnum Youtube rás Hnefaleikasambands Íslands þar sem hægt er að horfa á viðureignirnar aftur. En hér fyrir neðan eru niðurstöður allra viðureigna:


  1. Erika Nótt (HR) vs Hildur Kristín (HR) í -54kg flokki kvenna. Hildur Kristín sigraði að dómara ákvörðun.

  2. Nóel Freyr (HR) vs. Tefik Aziri (HFK) í -54kg flokki karla. Tefik Aziri tók sigur að dómara ákvörðun.

  3. Ísak Guðnason (HFK) vs. Mikael Hrafn (HR) í -67kg flokki karla. Mikael Hrafn tók sigur að klofni dómara ákvörðun.

  4. Hákon Garðarsson (HR) vs. Jón Marteinn (ÆSIR) í -75kg flokki karla. Hákon Garðarsson sigraði að dómara ákvörðun

  5. Tinna Von (HFK) vs. Zoe Bod (HR) í -64kg flokki kvenna. Zoe Bod tók sigur eftir tæknilegt rothögg í annarri lotu.

  6. Róbert Merlín (HR) vs. Bjarki Smári (HFK) í -75kg flokki karla. Bjarki Smári tók sigur að dómara ákvörðun.

  7. Aleksandr Baranos (ÆSIR) vs. Steinar Thors (HR) í -80kg flokki karla. Steinar Thors sigraði að dómara ákvörðun.

  8. Elmar Freyr (ÞÓR) vs. Magnús Kolbjörn (HFK) í +91kg flokki karla. Elmar Freyr tók sigur að dómara ákvörðun.

Eftir bikarmótið síðastliðinn laugardag var lögð fram ákæra vegna niðurstöðu í viðureigninni milli Hilmirs og Sævars. Hnefaleikasamband Íslands fékk þrjá óháða erlenda dómara til að yfirfara viðureignina og senda okkur þá niðurstöðu sem þeir töldu rétt. Þeir komust að þeirri niðurstöðu að Hilmir hafi sigrað viðureignina. Við hjá HNÍ viljum því hér með leiðrétta niðurstöður viðureignarinnar og óska Hilmi Erni til hamingju með sigurinn.


(mynd eftir Ásgeir Marteinsson)


Fyrsta bikarmót tímabilsins var haldið í hnefaleikastöðinni ÆSIR síðastliðinn laugardag. Á mótinu voru tíu viðureignir og ein þeirra var sýningar viðureign.

Mótið var ansi spennandi enda mikið af efnilegu hnefaleikafólki.


Fyrsta viðureign bikarmótsins var sýngarviðureign þar sem þær Sunje Henningsen (ÞÓR) og Erla María (HR) í -60kg flokki kvenna mættust. Báðar sýndu glæsilega tækni og viðureignin ansi jöfn en Sunje tók sigur að lokum.


Þær Erika Nótt (HR) og Hildur Kristín (HR) í -54kg flokki kvenna mættust svo í annarri viðureign mótsins og stóðu sig báðar mjög vel. Eftir flotta viðureign tók Erika sigur að lokum.


Í þriðju viðureigninni mættust þeir Tefik Aziri (HFK) og Nóel Freyr (HR) í -54 kg flokki karla. Þetta var mjög flott og spennandi viðureign og hann Tefik tók sigur að lokum.


Mikael Hrafn (HR) og Ísak Guðnason (HFK) mættust svo í fjórðu viðureign mótsins og voru að keppa í - 67 kg flokki karla. Báðir sýndu fram á flotta tækni og viðureignin mjög flott en Ísak tók sigur að lokum.


Þeir Hardam Kasman (HFK) og Ólíver Örn (HR) í -71 kg flokki karla mættust í fimmtu viðureign mótsins. Eftir mjög flotta viðureign tók Ólíver sigur.


Í sjöttu viðureign mótsins mættust þeir Jón Marteinn (HR) og Hákon Garðarsson (ÆSIR) í -75 kg flokki karla. Viðureignin var mjög spennandi og stóðu þeir sig báðir glæsilega. Hann Hákon tók þó sigur að lokum.


Í sjöundu viðureign mótsins mættust þær Kristín Sif (HR) og Hildur Ósk (HFR) í -74 kg flokki kvenna. Báðar sýndu fram á mjög flotta tækni og voru ansi jafnar en hún Kristín tók þó sigur að lokum.


Þeir Hilmir Örn (HR) og Sævar Ingi Rúnarsson (ÞÓR) í -70 kg flokki karla mættust svo í áttundu viðureign mótsins. Þetta var mjög spennandi viðureign enda þeir ansi jafnir en Sævar Ingi tók þó sigur að lokum.


Í næst síðustu viðureign mótsins mættust þeir Elmar Gauti (HR) og Þorsteinn Helgi (ÆSIR) í -86 kg flokki karla. Hann Elmar Gauti tók svo sigur að lokum eftir glæsilega viðureign.


Í síðustu viðureign mótsins mættust þeir Magnús Kolbjörn (HFK) og Stefán Blackburn (ÆSIR) í +91 kg flokki karla. Viðureignin var mjög spennandi og stóðu þeir sig báðir vel. Hann Magnús tók þó sigur að lokum.